Целосно изгоре возило „Цитроен“ во пожар спроти Клиничкиот центар
10/04/2025 13:54
Утрово, околу 11 часот, спроти Клиничкиот центар во Скопје изби пожар во возило во движење од марката „Цитроен Ксара Пикасо“. Благодарение на брзата интервенција на противпожарните екипи, огнот е навреме локализиран и изгаснат, но возилото е целосно уништено.
Според првичните информации, во инцидентот нема повредени лица. Причините за избувнувањето на пожарот засега остануваат непознати, а надлежните служби работат на утврдување на околностите.
Сцената предизвика внимание кај минувачите и вработените од околните институции, но ситуацијата беше брзо ставена под контрола.
