ТРАМП СО ЗАКАНА ДО МАСК: Ако ги поддржи демократите ќе има последици
08/06/2025 9:03
Претседателот на САД, Доналд Трамп, изјави дека би можело да има „сериозни последици“ доколку Илон Маск финансиски ги поддржи демократите, кои се спротивставуваат на републиканските иницијативи за намалување на даноците и реформа на државната потрошувачка.
Во телефонско интервју за NBC, Трамп не прецизираше какви би биле тие последици и рече дека немало дискусија за можноста Маск да биде истражуван од институциите. На директното прашање дали смета дека неговиот однос со Маск е завршен, Трамп одговори:
„Претпоставувам дека е така.“
А на прашањето дали би сакал да ги поправи односите со Маск:
„Не.“
Спорот меѓу двајцата ескалираше изминатите денови, но Маск се обиде да ја намали тензијата. Во четвртокот, тој избриша неколку објави на социјалните мрежи во кои остро го критикуваше Трамп, вклучувајќи и една во која поддржува импичмент на претседателот.
Претседателот на САД, Доналд Трамп, изјави дека би можело да има „сериозни последици“ доколку Илон Маск финансиски ги поддржи демократите, кои се спротивставуваат на републиканските иницијативи за намалување на даноците и реформа на државната потрошувачка.
