Орбан: Ќе победиме на следните избори, Фидес е силна и стабилна
07/07/2025 11:23
Унгарскиот премиер Виктор Орбан најави дека неговата партија Фидес ќе влезе во изборната кампања за парламентарните избори во 2026 година со „здрава и историски заснована самодоверба“, изразувајќи цврста увереност во нова победа.
„Ќе победиме на следните избори – тоа е нашиот план“, изјави Орбан во интервју за „Кроника онлајн“, потенцирајќи дека неговата партија нема причина да се сомнева во својот успех.
Според него, секогаш постои голема национална сила која се бори за независноста и историската вистина – и денес таа улога ѝ припаѓа на Фидес. Орбан ја обвини опозицијата дека претставува „сомнителна меѓународна формација“, финансирана и поддржана од странство, која, како што рече, е предводена од „покраински лидери“ со амбиции да ја преземат власта преку надворешно влијание и пари.
Тој додаде дека унгарската опозиција не се менува суштински, туку „само ја менува облеката“, алудирајќи на тоа дека, според него, останува без реална визија и поддршка од народот.
