Орбан по поразот: Во 2014 година ист број гласови ни донесоа голема победа
14/04/2026 11:31
Орбан по поразот им се обрати на своите поддржувачи преку видео на Фејсбук, по изборите што ставија крај на неговото 16-годишно владеење во Унгарија.
Поранешниот унгарски премиер им се заблагодари на гласачите за поддршката. Тој порача дека Фидес останува силна политичка сила и дека неговите поддржувачи секогаш ќе можат да сметаат на партијата.
Орбан рече дека повеќе од 2,25 милиони гласачи ја поддржале листата и кандидатите на Фидес-КДНП. Според него, тој број покажува дека нивната политичка заедница и натаму е голема и кохезивна.
Во своето обраќање, тој потсети дека во 2014 година со сличен број гласови освоиле голема победа. Овојпат, како што кажа, тоа било доволно за чесен настап, но не и за триумф.
Историските избори во Унгарија донесоа промена на власта. Партијата Тиса на Петер Маѓар освои убедлива победа и обезбеди двотретинско мнозинство во парламентот со 138 пратенички места.
Орбан по поразот порача дека Фидес ќе продолжи да му служи на унгарскиот народ. Тој најави дека во следните недели ќе почне реорганизација на партијата.
Според неговите најави, ќе ги посети сите изборни единици. Ќе собира волонтери, активисти, претставници и кандидати, а на 28 април ќе се одржи и национален состанок на пратеничката група.
На крајот од видеото, Орбан испрати кратка порака до своите приврзаници. „Денеска почнуваме со работа. Напред Унгарија, напред Унгарци“, порача тој.
Орбан по поразот им се обрати на своите поддржувачи преку видео на Фејсбук, по изборите што ставија крај на неговото 16-годишно владеење во Унгарија.
