ВО АЛБАНИЈА УАПСЕН МАКЕДОНСКИ ДРЖАВЈАНИН БАРАН ВО АВСТРИЈА ЗА ПОВЕЌЕ ДЕЛА
13/07/2025 17:23
Во рамки на акцијата „Операција 54“, албанската полиција уапси македонски државјанин кој се барал со меѓународна потерница од австриските власти за сериозни кривични дела. Приведениот е М.А. (41) од Скопје, за кого Јавното обвинителство во Инсбрук, Австрија, издало потерница поради инкриминации за „трговија со дрога“, „опасна закана“, „тешка изнуда“ и „повреда“, за што австрискиот закон предвидува казна затвор до 20 години.
М.А. бил пронајден и уапсен од страна на специјалните полициски сили, а при неговото апсење била пронајдена и запленета количина марихуана, која ќе биде искористена како доказ во тековната истрага. Интерпол Тирана ги продолжува процедурите за негова екстрадиција во соработка со австриските власти.
Исто така, на 6 јули на граничниот премин „Ќафасан“ беше приведен уште еден македонски државјанин, А.А. (34) од Кичево, кој се бараше од Интерпол Берн/Швајцарија. Тој бил осуден на 20 години затвор поради учество во меѓународна трговија со дрога.
Во рамки на акцијата „Операција 54“, албанската полиција уапси македонски државјанин кој се барал со меѓународна потерница од австриските власти за сериозни кривични дела. Приведениот е М.А. (41) од Скопје, за кого Јавното обвинителство во Инсбрук, Австрија, издало потерница поради инкриминации за „трговија со дрога“, „опасна закана“, „тешка изнуда“ и „повреда“, за што австрискиот закон предвидува казна затвор до 20 години.
