Средба Муцунски – Фидан во Истанбул: Потврда на пријателството и стратешката соработка меѓу Македонија и Турција
26/07/2025 18:55
На маргините на првиот состанок на Балканската платформа за мир, што се одржува во Истанбул, министерот за надворешни работи и надворешна трговија на Северна Македонија, Тимчо Муцунски, оствари билатерална средба со својот турски колега, Хакан Фидан.
Разговорите беа фокусирани на унапредување на политичките односи, јакнење на економската соработка, како и на интензивирање на инвестициите помеѓу двете земји. Дополнително, двајцата министри разгледаа можности за проширување на соработката во други области од заемен интерес.
Муцунски и Фидан ја потврдија силната пријателска врска меѓу Северна Македонија и Турција, со нагласок на тесната соработка во рамките на НАТО, како и меѓусебната поддршка во мултилатералните организации.
Во текот на средбата биле дискутирани и актуелни регионални и геополитички прашања, при што било истакнато дека стабилен и просперитетен Балкан е од заеднички интерес за двете држави.
Состанокот се одржа во рамките на иницијативата за Балканска платформа за мир, покрената од турскиот министер за надворешни работи, Хакан Фидан.
На маргините на првиот состанок на Балканската платформа за мир, што се одржува во Истанбул, министерот за надворешни работи и надворешна трговија на Северна Македонија, Тимчо Муцунски, оствари билатерална средба со својот турски колега, Хакан Фидан.
