Крај на печатите, објавенo кога ќе започне примената на новите правила за влез во ЕУ
30/07/2025 18:52
Од 12 октомври, Европската Унија стартува со дигитална револуција на своите граници: влегува новиот Систем за влез и излез (EES), кој ќе ги следи сите граѓани од трети земји што патуваат во Шенген зоната. Заборавете на печати во пасош – од сега сè ќе се евидентира дигитално, со фотографии од лице и отпечатоци од прсти.
Во рок од шест месеци, 29 европски држави ќе ги дигитализираат сите гранични премини. Целта? Поголема контрола, поостра безбедност и откривање на злоупотреби со документи и престој.
Но тоа не е сè.
ETIAS – електронската дозвола за патување што допрва треба да стартува – веќе ја зголемува цената: наместо најавените 7 евра, патниците ќе плаќаат 20 евра од крајот на 2026. Граѓаните на САД, Канада, Австралија, Србија и уште 55 земји ќе мора однапред да аплицираат онлајн за дозвола, без посета на амбасади – но под будното око на ЕУ.
Иако се тврди дека ETIAS „не е виза“, за многумина изгледа токму така – дигитална бариера за „безвизен“ влез.
Европа затвора редови, ги стега границите – а патниците ќе мора да се навикнат на новите правила на игра.
