ТЕПАЧКА на состанокот на ДУИ во Чаир, во присуство на Али Ахмети и Бујар Османи?!
02/09/2025 9:11
Во ДУИ се повеќе „врие“, незадоволството е очигледно, особено по лошата ситуација на теренот – јавуваат албанските медиуми.
Голема тепачка избувна вчеравечер меѓу две групи во Чаир за време на изборниот собир на Демократската унија за интеграција во близина на ресторанот „ФАФА“, каде што беа присутни и претседателот на партијата Али Ахмети и нејзиниот потпретседател и кандидат за градоначалник на Чаир Бујар Османи. Ова го објави информативниот портал на албански јазик „Ѓурме“.
Натаму порталот истакнува: Настанот се случил вчера околу 19 часот за време на собир, кој бил најавен како средба со политичкиот актив на ДУИ во Чаир. Според сведоците, по зборовна расправија меѓу учесниците, ситуацијата прераснала во физички судир, предизвикувајќи тензија и хаос.
Информациите од местото на настанот укажуваат на тепања со тупаници и туркање, во кои биле вклучени неколку лица. Незадоволството е очигледно во ДУИ, особено по лошата ситуација на терен. – објави „Ѓурме“.
