Православните верници денес го чествуваат Свети свештеномаченик Евтихиј
06/09/2025 7:32
Православната црква денес го прославува споменот на Свети свештеномаченик Евтихиј, еден од помалите апостоли и ученик на светите апостоли Јован Богослов и Павле. Иако не е вброен меѓу седумдесетте апостоли, се нарекува апостол поради неговата ревност и посветеност во евангелската служба.
Свети Евтихиј бил посветен за епископ-мисионер и многу патувал, придружуван од Ангел Божји. Според преданието, додека бил во затвор, Ангел му носел небесен леб за храна. При мачењата, од неговото тело наместо само крв течело и благоухано миро.
Неговиот живот завршил со маченичка смрт во Севастопол – бил фрлан во оган, пред ѕверови, а најпосле погубен со меч.
Во негова чест, верниците денес го изговараат тропарот:
„Кадилница на апостолите Јован и Павле, саду Христов миомирисен, Евтихие рамноапостолен… спомни не’ и нас во твоите молитви, принесени за спасение на родот човечки.“
Православната црква денес го прославува споменот на Свети свештеномаченик Евтихиј, еден од помалите апостоли и ученик на светите апостоли Јован Богослов и Павле. Иако не е вброен меѓу седумдесетте апостоли, се нарекува апостол поради неговата ревност и посветеност во евангелската служба.
