Дербито меѓу Србија и Албанија во квалификациите за Светското првенство (СП) ќе се игра во Лесковац, а тоа го потврди Европската куќа на фудбалот (УЕФА).
УЕФА соопшти дека мечот од седмото коло во групата К ќе се одигра на 11 октомври од 20.45 часот во Лесковац, иако најпрво натпреварот беше закажан да се игра во Белград.
Причината зад оваа одлука е безбедноста, не само на публиката, туку и на фудбалерите и останатите учесници во натпреварот.
Натпреварот е прогласен за меч од висок ризик и поради тоа се бара целосна контрола за да се спречат инциденти како во минатото.
