(Видео)Ќе ги кажам со име и презиме сите од ДУИ што го молеа Мицкоски
23/09/2025 9:35
Лидерот на Демократската партија на Албанците (ДПА), Мендух Тачи, во синоќешното интервју за ТВ21 остро ја нападна ДУИ и Европскиот фронт, обвинувајќи ги за манипулации и политичка неконзистентност.
Тачи предупреди дека, доколку интегративците продолжат со ваквиот пристап, тој јавно ќе ги обелодени сите нивни барања и молби упатени кон претседателот на ВМРО-ДПМНЕ и на Владата, Христијан Мицкоски.
„Ако продолжите да манипулирате, ќе кажам за сѐ што сте го молеле Мицкоски. Ќе излезам со имиња, презимиња, бизнисмени од Скопје и луѓе од Албанија, ќе кажам како се согласивте да влезете во Владата без претседател во Собранието,“ изјави Тачи.
Тој додаде дека се покајал што ДПА станала дел од Европскиот фронт, бидејќи, според него, Али Ахмети и ДУИ не се придржувале до претходно постигнатите договори.
Со оваа изјава, Тачи ја заостри реториката во албанскиот политички блок, оставајќи простор за нови тензии во односите меѓу опозициските и владејачките партии.
Лидерот на Демократската партија на Албанците (ДПА), Мендух Тачи, во синоќешното интервју за ТВ21 остро ја нападна ДУИ и Европскиот фронт, обвинувајќи ги за манипулации и политичка неконзистентност.
