(ВИДЕО) Протести во Подгорица поради миграциската политика – граѓаните бараат поголема безбедност и одговорност
28/10/2025 11:35
И покрај итната одлука на Владата на Црна Гора привремено да го суспендира безвизниот режим за турските државјани, незадоволството кај дел од граѓаните не стивнува. Во Подгорица синоќа се одржаа протести и маршеви со кои се изрази револт поради последните инциденти поврзани со мигранти.
Полицијата приведе неколку лица во населбата Жабјело, откако кај нив биле пронајдени бејзбол палки и други предмети подготвени за напад. Од Полициската управа соопштија дека ќе продолжат со засилени контроли за одржување на јавниот ред и безбедноста, нагласувајќи дека секое насилно или незаконско однесување ќе биде санкционирано.
Podgorica.
Ovo je rezultat politike ‘srpskog sveta’, litija, uticaja crkve i dominantne nacionalističke politike.
Na kraju uvek, ali baš uvek, dolaze sukobi. pic.twitter.com/ajs4hgkasW
— Aleksandar Olenik, advokat i potpredsednik LSV (@olenikadvokat) October 28, 2025
Протестите следат по нападот врз млад жител на Подгорица, за кој се осомничени државјани на Турција и Азербејџан. Случајот предизвика лавина реакции, а граѓани, меѓу кои и навивачката група „Варвари“, побараа институциите поактивно да ги заштитат безбедноста и достоинството на домашното население.
„Нашите активности немаат ништо заедничко со национална или верска омраза. Станува збор за одбрана на безбедноста на нашите граѓани и спротивставување на криминалните појави поврзани со дел од мигрантите“, соопшти групата на социјалните мрежи.
Во изминатите денови беа забележани и неколку инциденти, оштетена продавница и запалено возило во сопственост на турски државјани, додека полицијата приведе повеќе лица, меѓу нив и 45 странци.
Tensions erupted in podgorica after a stabbing incident allegedly involving a turkish citizen. Protests broke out, and some turkish owned businesses and cars were attacked. 45 turks were detained. Montenegro has temporarily suspended visa-free travel for turkish citizens. pic.twitter.com/hf1wtc29zK
Министерот за внатрешни работи, Данило Шарановиќ, ги демантираше шпекулациите дека во земјата престојуваат над 100.000 турски државјани, објаснувајќи дека бројката е околу 13.000, од кои само 80 имаат постојан престој.
Владата со својата мерка за укинување на безвизниот режим испрати јасна порака дека државата ќе реагира одговорно и ќе ја заштити безбедноста на сите граѓани, одржувајќи ја стабилноста и меѓуетничкиот мир во Црна Гора.
