Народната банка: Зголемување на девизните резерви во октомври
10/11/2025 10:38
Девизните резерви на Република Македонија на крајот на октомври 2025 година изнесувале 4.843,2 милиони евра, покажуваат податоците на Народната банка. Во споредба со претходниот месец, резервите се зголемени за 120,5 милиони евра, што претставува позитивно движење во надворешната позиција на земјата.
Според структурата, најголем дел од девизните резерви (71,1%) се вложени во хартии од вредност, додека 15,9% се во монетарно злато, а 13% во валути и депозити.
Народната банка посочува дека нивото и структурата на девизните резерви овозможуваат стабилност на девизниот курс и сигурност на надворешната ликвидност на државата.
