Голем застој на источниот влез во Скопје: Утрински хаос во сообраќајот
24/11/2025 9:25
Утрово на влезот во Скопје се создаде километарска колона возила, која започнува уште од надвозникот во Автокоманда, информираат возачи кои се заглавени во долгиот метеж.
Сообраќајниот застој се формира кај две клучни раскрсници:
раскрсницата меѓу булевар „Киро Глигоров“ и булевар „Перо Наков“,
раскрсницата на булевар „Александар Македонски“ со улиците „Интернационални бригади“ и „16. Македонска бригада“.
Движењето на возилата е значително отежнато и се одвива со продолжени задржувања, што предизвикува дополнителни застои на целиот источен влез во градот.
Надлежните апелираат возачите да планираат алтернативни правци и да возат со зголемено внимание поради зголемената фреквенција на возила во утринските часови.
