Уапсен маж од струмичко село поради напад врз сопругата со нож: се истражува сомнение за тешко семејно насилство
27/11/2025 13:49
48-годишен маж од струмичко село е уапсен вчера откако, според пријавата, физички ја нападнал својата сопруга и ѝ нанел повреди со остар предмет. Полицијата соопшти дека тој претходно се обидел насилно да ѝ внесе непозната течност во устата со помош на шприц.
Напаѓачот е приведен и задржан во полициската станица во Струмица. За случајот е информиран јавен обвинител од Основното јавно обвинителство Струмица, кој дал насоки за понатамошно постапување.
Во тек се мерки за целосно документирање на настанот, по што против осомничениот ќе биде поднесена кривична пријава.
![semejno-nasilstvo[1]](https://mkinformer.com/wp-content/uploads/2021/05/semejno-nasilstvo1.jpg "14 пријави за семејно насилство за едно деноноќие")