(Видео)Пукање во средно училиште во САД: Најмалку едно лице повредено, едно уапсено
09/02/2026 23:42
Најмалку едно лице било застрелано во инцидент што се случил во Средното училиште Томас С. Вутон во Соединетите Американски Држави, по што училиштето веднаш било ставено во целосна блокада, јавуваат американските медиуми.
На местото на настанот е распоредено големо полициско присуство, а властите соопштија дека сите патишта кои водат до училиштето се затворени од безбедносни причини. Полицијата апелираше граѓаните да ја избегнуваат областа додека трае интервенцијата.
На родителите и старателите им е препорачано да се упатат кон блиското Средното училиште Роберт Фрост, лоцирано на Скот Драјв 9201, кое е определено како локација за собирање и информации.
Според информациите објавени од ABC News, едно лице е уапсено во врска со инцидентот. Засега нема официјални детали за мотивите, ниту за состојбата на повреденото лице.
Надлежните институции најавија дека јавноста ќе биде дополнително информирана откако ќе заврши истрагата.
Најмалку едно лице било застрелано во инцидент што се случил во Средното училиште Томас С. Вутон во Соединетите Американски Држави, по што училиштето веднаш било ставено во целосна блокада, јавуваат американските медиуми.
