Посебен режим на сообраќај во Скопје поради посетата на Марк Руте

Поради официјалната посета на генералниот секретар на НАТО, Марк Руте, денеска во централното подрачје на Скопје ќе биде воведен посебен режим на сообраќај.

Од СВР Скопје информираат дека ќе се преземаат мерки за регулирање на сообраќајот, со цел безбедно и непречено одвивање на посетата и активностите поврзани со неа.

Полицијата апелира до сите граѓани – учесници во сообраќајот да ги почитуваат наредбите и насоките што ќе ги даваат полициските службеници, како и навремено да ги планираат своите движења низ градот.

Се очекуваат повремени краткотрајни застои и пренасочувања на сообраќајот во централното градско подрачје.

Share on Facebook

Tweet

Follow us

Save