Посебен режим на сообраќај во Скопје поради протест на ССМ пред Владата
17/02/2026 10:59
Денеска (17.02.2026) во Скопје ќе биде воведен посебен режим на сообраќај поради протест што го организира Сојуз на синдикати на Македонија.
Протестот е најавен со почеток од 11:00 часот и ќе се одржи пред Влада на Република Македонија, на потегот кај булеварите „Илинден“ и „Свети Климент Охридски“.
Од Министерство за внатрешни работи информираат дека, доколку се појави потреба, сообраќајот ќе биде пренасочуван по околните улици со цел да се обезбеди непречено и безбедно одвивање на протестот и сообраќајот во централното градско подрачје.
Единицата за безбедност на патниот сообраќај ќе преземе соодветни мерки за регулирање на движењето на возилата, а од надлежните институции апелираат до сите учесници во сообраќајот да ги почитуваат наредбите и упатствата на полициските службеници.
На граѓаните им се препорачува да планираат дополнително време за движење низ центарот на градот и, доколку е можно, да користат алтернативни сообраќајници.
![policija-rezim[1]](https://mkinformer.com/wp-content/uploads/2021/07/policija-rezim1.jpg "Извecтyвaњe oд MВP: Пoceбeн peжим нa cooбpaќajот вo Скопје во тeкoт нa yтpeшниoт дeн")
