Лазаров го објави списокот за Австрија: Македонија без неколку искусни имиња на контролата во Брегенц
12/03/2026 18:58
Селекторот на македонската машка ракометна репрезентација, Кирил Лазаров, денеска го соопшти списокот на ракометари за претстојниот контролен натпревар против Австрија во рамки на ЕХФ неделата.
Во составот за овој дуел нема да бидат неколку искусни репрезентативци. Недостасуваат Никола Митревски, Никола Маркоски, Жарко Пешевски и Мартин Серафимов, додека во националниот тим повторно се враќа Марјан Лазаревски, кој поради повреда го пропушти Европското првенство во јануари.
Македонските репрезентативци ќе се соберат во вторник, по што ќе следуваат подготовките за гостувањето кај Австрија.
Контролниот меч ќе се игра на 21 март во Брегенц, со почеток во 18 часот.
Овој натпревар ќе биде важен тест за избраниците на Кирил Лазаров пред мајските бараж натпревари, во кои Македонија ќе игра против Украина или Словачка за пласман на Светското првенство во 2027 година.
Стручниот штаб очекува дуелот со Австрија да послужи како добра проверка на формата и подготовка за предизвиците што следуваат во квалификацискиот период.
Селекторот на македонската машка ракометна репрезентација, Кирил Лазаров, денеска го соопшти списокот на ракометари за претстојниот контролен натпревар против Австрија во рамки на ЕХФ неделата.
