Дел од Центар денеска без вода поради дефект на улицата „Никола Карев“
18/05/2026 7:51
Поради дефект на шибер со пречник од 300 милиметри на улицата „Никола Карев“ бб, денеска без вода ќе останат дел од корисниците во скопската населба Центар.
Од ЈП „Водовод и канализација“ – Скопје информираат дека прекинот во водоснабдувањето ќе почне од 09:00 часот и ќе трае до санирање на дефектот.
Без вода ќе бидат корисниците од улиците „Никола Карев“ и „Мирче Ацев“, како и дел од населбата Пролет.
Прекин во водоснабдувањето ќе има и во Центарот за јавно здравје, основното училиште „11 Октомври“ и детската градинка во овој дел од градот.
Поради дефект на шибер со пречник од 300 милиметри на улицата „Никола Карев“ бб, денеска без вода ќе останат дел од корисниците во скопската населба Центар.
