Кафето во Скопје поскапо од Италија: Капучино и до 140 денари

Кафето во Скопје поскапува, а цените во дел од локалите веќе се повисоки од просекот во некои европски земји.

Во скопските кафулиња еспресото најчесто чини од 90 до 110 денари.

За мало макијато се плаќа од 100 до 110 денари.

Големото макијато најчесто чини околу 120 денари.

Капучиното и латето се движат од 120 до 140 денари.

Тоа е приближно од 1,95 до 2,28 евра.

Во Скопје капучиното е поскапо од италијанскиот просек

Најдиректна споредба може да се направи преку цената на капучиното.

Според податоците на Numbeo, просечната цена во Италија е 1,77 евро.

Во Португалија просекот е 1,88 евро.

Тоа значи дека капучино во многу скопски локали веќе чини повеќе од италијанскиот просек.

Станува збор за земја која важи за еден од симболите на европската кафе-култура.

Скопје се доближува до Шпанија, Бугарија и Хрватска

Просечно капучино во Шпанија чини околу 2,13 евра.

Во Бугарија цената е околу 2,21 евро.

За Хрватска просекот изнесува околу 2,24 евра.

Во зависност од локалот, цените во Скопје веќе се движат во сличен ранг.

Тоа особено важи за кафулињата каде капучиното достигнува 140 денари.

Западна и северна Европа и натаму значително поскапи

Разликата е многу поголема во споредба со западна и северна Европа.

Во Франција просечната цена е околу 3,45 евра, Германија капучиното во просек чини 3,62 евра, Белгија просекот е 3,74, а во Холандија 3,75 евра.

Во Австрија цената достигнува 4,15 евра, Велика Британија просекот е 4,24 евра.

Данска најскапа, Украина најевтина

Уште поскапо е во скандинавските земји.

Во Норвешка просечно капучино чини околу 4,86 евра, Швајцарија цената достигнува 5,49 евра.

Најскапа меѓу споредените земји е Данска, со просек од 5,81 евро.

Од друга страна, најниска цена има Украина.

Таму едно капучино во просек чини околу 1,33 евро.

Скопје веќе не е меѓу најевтините

Скопје и натаму е поевтин од најголем дел од западноевропските пазари.

Сепак, разликата со јужна и источна Европа е значително намалена.

Во дел од скопските кафулиња цените веќе се на ниво со Бугарија, Хрватска и Шпанија.

Во одредени случаи тие се и над просекот во Италија и Португалија.

Кафето во Скопје поскапува, а секојдневното пиење кафе сè помалку може да се смета за евтин градски ритуал.