Михаел Рот со остра порака до Софија: Бугарија треба да се засрами за односот кон Македонија
23/05/2026 14:52
Поранешниот германски министер Михаел Рот упати остра критика до Бугарија поради односот кон Македонија и блокадите на нејзиниот европски пат.
Во објава на платформата „Икс“, Рот оцени дека попречувањето на македонските евроинтеграции од страна на Софија е неодговорно и штетно не само за земјава, туку и за целиот регион и за самата Европска Унија.
„Глупавото попречување на патот на Македонија кон ЕУ од страна на Бугарија е неодговорно и мора да престане. Тоа ја ослабува ЕУ, го дестабилизира Западен Балкан и им користи само на Русија, Кина и други авторитарни актери. Новата бугарска влада треба да се засрами“, напиша Рот.
Неговата изјава доаѓа во период кога прашањето за македонскиот пат кон Европската Унија повторно е во фокусот на регионалната и европската јавност.
Со ваквата порака, Рот директно предупредува дека билатералните блокади не се само проблем за Македонија, туку и сериозен удар врз кредибилитетот на Европската Унија на Западен Балкан.
Изјавата на поранешниот германски функционер веќе предизвикува реакции во јавноста, особено поради јасната оценка дека ваквиот пристап ѝ отвора простор на Русија, Кина и на други авторитарни влијанија во регионот.
Bulgaria’s stupid obstruction of North Macedonia’s EU path is irresponsible and must stop.
It weakens the EU, destabilizes the Western Balkans, and only benefits Russia, China, and other authoritarian actors.
The new Bulgarian government should be ashamed. https://t.co/0PwDm7WGvV
Поранешниот германски министер Михаел Рот упати остра критика до Бугарија поради односот кон Македонија и блокадите на нејзиниот европски пат.
