Трамп пред посетата на НАТО: Сојузниците не се солидарни
23/06/2026 9:02
Трамп со критики кон НАТО партнерите: Не беа со нас во конфликтот со Иран
Американскиот претседател Доналд Трамп, во пресрет на посетата на генералниот секретар на НАТО на Вашингтон, повторно упати остри критики кон европските сојузници, обвинувајќи ги дека не покажале доволна поддршка кон САД во конфликтот со Иран.
Трамп: САД се доминантна членка на НАТО
Трамп оцени дека САД со години носат најголем дел од товарот во рамки на Алијансата и трошат огромни средства за безбедноста на Европа, пренесе „Вашингтон пост“.
“Бевме одлична членка на НАТО, во многу погледи единствена вистинска членка и секако доминантна членка. Потрошивме трилиони долари за да ја заштитиме Европа”, изјави Трамп.
Критики кон Обединето Кралство, Италија и Германија
Според него, кога САД побарале поддршка од сојузниците, не добиле соодветен одговор. Американскиот претседател особено ја критикуваше Обединето Кралство и премиерот Кир Стармер, обвинувајќи го за пасивност и избегнување на сојузничките обврски. Трамп, исто така, ги посочи Италија и Германија како земји кои, според него, не покажале доволна подготвеност да им помогнат на САД.
Порака за поголема солидарност
Тој повтори дека Вашингтон годишно издвојува огромни средства за колективната одбрана на НАТО и порача дека очекува поголема поддршка и солидарност од сојузниците.
“Ги трошиме сите овие пари за нивна заштита, а кога можеби ни е потребна помош, тие велат дека подобро би било да не се вклучат. Тоа е погрешен пристап”, рече Трамп.
Посета на генералниот секретар на НАТО
Изјавите доаѓаат во период на зголемени тензии на Блискиот Исток и непосредно пред разговорите меѓу американската администрација и раководството на НАТО за актуелните безбедносни предизвици.
