Рама: Албанија нема да им дели пасоши на Албанците од Македонија кога ќе стане членка на ЕУ
13/07/2026 22:13
Албанија нема да им издава албански пасоши на етничките Албанци во Македонија откако земјата ќе стане членка на Европската Унија, изјави албанскиот премиер Еди Рама.
Тој нагласи дека Тирана нема да го следи примерот на Бугарија, која по влезот во ЕУ издаваше државјанства и пасоши на лица од соседните земји врз основа на нивното потекло.
„Нема да правиме што сакаме“
Според Рама, членството во Европската Унија не значи дека една држава може самостојно да презема чекори што би можеле да влијаат врз односите и внатрешната хармонија во европското семејство.
„Ние не сме земја што може да прави што сака и како сака кога станува збор за прашања поврзани со внатрешната хармонија на европското семејство“, изјави албанскиот премиер.
Тој додаде дека Бугарија започнала да ја применува таквата политика откако станала членка на ЕУ, бидејќи нејзиниот пасош добил поголема вредност и овозможил слободно движење во Унијата.
Рама: Албанците денес се во подобра положба
Говорејќи за положбата на Албанците во регионот, Рама оцени дека тие денес се наоѓаат во подобра ситуација отколку во кој било претходен период од нивната историја.
Според него, овој напредок треба да се зачува преку соработка, стабилност и почитување на државите во кои живеат Албанците.
Изјавата доаѓа во период кога Албанија продолжува со процесот на европска интеграција и има амбиција да стане полноправна членка на Европската Унија.
Албанија нема да им издава албански пасоши на етничките Албанци во Македонија откако земјата ќе стане членка на Европската Унија, изјави албанскиот премиер Еди Рама.
