(Видео)Протести низ Украина по разрешувањето на Федоров: „Не го допирајте она што функционира“
16/07/2026 17:31
Во Киев и во повеќе украински градови започнаа протести против разрешувањето на министерот за одбрана Михајло Федоров.
Неколку стотици граѓани првично се собраа на плоштадот „Иван Франко“, во близина на претседателската канцеларија во Киев. Подоцна бројот на демонстранти во главниот град се зголеми.
Демонстрантите побараа Федоров да биде вратен на функцијата министер за одбрана.
„Не го допирајте она што функционира“
Учесниците носеа картонски транспаренти со пораки: „Федоров е министер за одбрана“, „Зошто?“, „Рацете тргнете од Федоров“ и „Вратете го Федоров“.
На дел од транспарентите пишуваше и: „Не го допирајте она што функционира“ и „Власта сè уште му припаѓа на народот“.
Протестите беа организирани откако претседателот Володимир Зеленски го разреши Федоров на 15 јули. Одлуката предизвика реакции меѓу војници, ветерани, политичари и претставници на граѓанскиот сектор.
Протести и во други украински градови
Слични собири се одржаа и надвор од Киев.
Граѓани протестираа во Ивано-Франкивск, Виница, Луцк и Одеса. Демонстрации беа регистрирани и во други делови од земјата.
Протестите се нарекуваат „картонски“ поради рачно изработените транспаренти што ги носат учесниците.
Дел од демонстрантите сметаат дека Федоров бил еден од најефикасните членови на украинската влада.
Федоров разрешен по состанок со военото раководство
Зеленски го разреши Федоров во рамки на поширока реконструкција на украинската администрација.
Одлуката следувала по состанок со военото раководство. Официјално и детално образложение за разрешувањето не беше веднаш објавено.
Украински медиуми објавија дека меѓу Федоров и главниот командант на вооружените сили, Олександр Сирски, постоеле несогласувања околу реформите и начинот на водење на војната.
Федоров подоцна потврди дека барал смена на Сирски, но Зеленски не го прифатил предлогот.
Ги наброја резултатите од својот мандат
По разрешувањето, Федоров објави преглед на резултатите постигнати за време на неговиот мандат.
Меѓу нив ги наведе развојот на беспилотните системи и нападите врз руската логистика на окупираните територии.
Тој посочи и дека Украина успеала да го ограничи пристапот на руските сили до системот „Старлинк“.
Федоров призна дека не успеал целосно да го реформира Министерството за одбрана според стандардите на НАТО.
Како незавршени задачи ги наведе и реформата на воените набавки и создавањето посилна култура на одговорност.
UKRANIANS ARE ON STREET TO PROTEST🇺🇦 🔥
Protests in Kyiv, Kharkiv, Lviv, Dnipro, and Odesa to protest the dismissal of Ukrainian Defence Minister Fedorov. Zelensky removed him as Defense Minister after a meeting with military leadership on July 15. pic.twitter.com/dKjhTtdWAx
Федоров изјави дека Зеленски му понудил да продолжи да работи како советник.
Тој ја одбил понудата, но најавил дека ќе продолжи да работи на развојот на украинските одбранбени способности.
Разрешувањето предизвика и оставка на заменик-командантот на украинските воздухопловни сили Павло Јелизаров.
Тој предупреди дека промената може негативно да влијае врз реформите во воздушната одбрана.
Huge crowds at the pro-Fedorov/anti-corruption protests in Kyiv. This protest was called mere hours ago and it has just gone 9:20am. pic.twitter.com/TCBukplveo
Во Киев и во повеќе украински градови започнаа протести против разрешувањето на министерот за одбрана Михајло Федоров.
