Проверката на лекувањето на починатиот пациент со пукната аорта започнува
12/04/2025 10:14
Министерот за здравство, д-р Арбен Таравари, наредил на Државниот санитарен и здравствен инспекторат (ДСЗИ) да изврши увид во медицинската документација на 59-годишниот Тони Ангелковски, кој почина додека чекаше операција на Кардиохирургијата во државната болница.
Според информациите од Министерството за здравство, увидот ќе се направи во контекст на случајот на пациентот кој починал со пукната аорта, а по завршувањето на проверката, јавноста ќе биде известена за резултатите.
„По налог на министерот, ДСЗИ ќе го провери лекувањето на пациентот и ќе ги разгледа сите аспекти на случајот“, велат од Министерството.
