Скопје пред здравствена криза поради ѓубрето: експертите предупредуваат на епидемиолошка опасност
22/10/2025 19:09
Кризата со несобраниот отпад во Скопје добива алармантни размери и веќе не претставува само естетски и хигиенски проблем, туку сериозна закана за јавното здравје, предупредуваат експертите. Според извештаите на Телма, преполните контејнери и расфрланиот отпад по улиците создадоа идеални услови за размножување на глувци и стаорци.
Пановски: „Градот е на раб на епидемиолошка катастрофа“
Познатиот микробиолог д-р Никола Пановски предупредува дека Скопје може да се соочи со епидемиолошка катастрофа ако надлежните институции не реагираат итно.
„Ова што го гледаме е невидено. Такви сцени имало во 16. и 17. век, кога не можело да се собере ѓубрето. Единствена среќа е што времето е релативно ладно. Да беше 37 степени, ќе имавме совршени услови за развој на бактерии, муви и зарази,“ изјави Пановски.
Ситуацијата дополнително се влоши по инцидентот во кој 10-годишно дете беше каснато од глушец на детско игралиште во населбата Капиштец. Настанот предизвика вознемиреност кај жителите, кои со недели алармираат за расфрлано ѓубре, неподнослива нечистотија и присуство на глодари во близина на јавни површини.
Апел за итна акција
Лекарите упатуваат итен повик до институциите да започнат со чистење на градот без одложување. Тие предупредуваат дека секое пролонгирање може да резултира со зголемен ризик од заразни болести и контаминација на јавните простори.
„Ако не се реагира сега, Скопје ќе се најде во состојба што ќе биде многу потешко да се контролира,“ велат експертите.
Опасност од навлегување на глодари во домовите
Пановски предупредува дека глодарите наскоро може да навлезат во домовите на скопјани ако отпадот не се отстрани навреме — особено во подрачјата со повеќе неурбанизирани зони и остатоци од храна.
„Ако се чека до втор круг избори и административни одлуки, до 10 ноември може да дојде до вистинска наезда. За само еден месец популацијата на стаорци може да достигне 10.000 единки,“ истакна микробиологот.
Кризата со несобраниот отпад во Скопје добива алармантни размери и веќе не претставува само естетски и хигиенски проблем, туку сериозна закана за јавното здравје, предупредуваат експертите.
Познатиот микробиолог д-р Никола Пановски предупредува дека Скопје може да се соочи со епидемиолошка катастрофа ако надлежните институции не реагираат итно.
