Цените на нафтата скокнаа за речиси 3%: Геополитичките тензии ја туркаат нафтата на тримесечен максимум
14/01/2026 9:10
Цените на нафтата денеска пораснаа за речиси три отсто, достигнувајќи го највисокото ниво во последните три месеци, под влијание на зголемените геополитички ризици и стравувањата од можни нарушувања во глобалното снабдување.
Цената на суровата нафта Брент се искачи на околу 65,6 долари за барел, додека американската сурова нафта WTI (West Texas Intermediate) се тргуваше околу 61,16 долари за барел, пренесува Трејдинг економикс.
Пазарната претпазливост дополнително беше засилена од реториката на американскиот претседател Доналд Трамп во однос на Иран. Трамп најави откажување на планираните состаноци со ирански официјални лица сè додека не запрат протестите во земјата и предупреди дека „помошта е на пат“, што инвеститорите го протолкуваа како сигнал за можни дополнителни тензии.
Ова доаѓа кратко по воведувањето на царини од 25 отсто на стоки поврзани со Иран, потег кој ги зголеми стравувањата од пошироки регионални конфликти што би можеле директно да влијаат врз протокот на нафта од Блискиот Исток.
Дополнителен притисок врз цените извршија и проблемите на терминалот на Касписки нафтоводен конзорциум во Казахстан. Поради комбинација од лоши временски услови, техничко одржување и напади со дронови, извозот беше речиси преполовен, на околу 900.000 барели дневно.
Аналитичарите оценуваат дека доколку геополитичката неизвесност продолжи, цените на нафтата би можеле да останат на повисоки нивоа и во наредниот период.
Цените на нафтата денеска пораснаа за речиси три отсто, достигнувајќи го највисокото ниво во последните три месеци, под влијание на зголемените геополитички ризици и стравувањата од можни нарушувања во глобалното снабдување.
