Поскaпуваат горивата: Од утре повисоки цени на бензините и дизелот
20/01/2026 18:28
Регулаторна комисија за енергетика, водни услуги и услуги за управување со комунален отпад (РКЕ) соопшти дека од утре стапуваат на сила повисоки малопродажни цени на нафтените деривати во земјава.
Според најновата одлука, цените на бензините Еуросупер 95 и Еуросупер 98, како и на екстра лесното масло за домаќинство, се зголемуваат за 1,50 денари по литар, додека цената на Еуродизелот расте за 2 денари по литар.
Со новата пресметка:
Еуросупер 95 ќе се продава по 72 денари за литар
Еуросупер 98 ќе чини 74 денари за литар
Еуродизел ќе се продава по 66,50 денари за литар
Дополнително, малопродажната цена на мазутот се зголемува за 0,854 денари по килограм и ќе изнесува 32,987 денари за килограм.
Од РКЕ појаснуваат дека ваквата корекција е резултат на растот на референтните цени на светските пазари. Кај бензините зголемувањето во просек изнесува 4,109 проценти, кај дизелот 5,194 проценти, кај екстра лесното масло 4,462 проценти, а кај мазутот 3,846 проценти.
Дополнителен фактор е и движењето на девизниот курс – курсот на денарот во однос на американскиот долар е зголемен за 0,2303 проценти во периодот што бил земен предвид за пресметката.
Новите цени ќе важат од утре и ќе се применуваат до следната одлука на Регулаторната комисија.
Регулаторна комисија за енергетика, водни услуги и услуги за управување со комунален отпад (РКЕ) соопшти дека од утре стапуваат на сила повисоки малопродажни цени на нафтените деривати во земјава.
