Млади без работа и образование: Македонија втора со 23,4%

Млади без работа и образование во Македонија има речиси двојно повеќе од просекот во Европската Унија. Според податоците на Евростат за 2025 година, 23,4% од младите на возраст од 15 до 29 години во земјава ниту работат, ниту се вклучени во образование или обука.

Со оваа стапка, Македонија е на второто место меѓу земјите опфатени со европската статистика.

Повисока стапка има единствено Турција, каде што 26,3% од младите припаѓаат во таканаречената NEET-категорија – лица кои не се вработени, не се школуваат и не посетуваат обука.

Двојно над просекот на ЕУ

Просекот во Европската Унија изнесува 11%.

Стапката во Македонија е повисока за 12,4 процентни поени и е повеќе од двојно поголема од европскиот просек.

„23,4% од младите во Македонија ниту работат ниту се образуваат“

Високи стапки имаат и Босна и Херцеговина со 20%, Романија со 19,2% и Србија со 15,1%.

Следуваат Бугарија со 13,8%, Грција со 13,6% и Италија со 13,3%.

На другиот крај Исланд и Холандија

Најниска стапка меѓу земјите прикажани во податоците има Исланд – само 4,2%.

Во Холандија процентот изнесува 5,3%, во Шведска 5,9%, а во Норвешка 7%.

Словенија е на 7,6%, Чешка и Португалија на по 8%, додека Ирска има стапка од 8,1%.

Германија е под европскиот просек со 9,5%, а Франција е над него со 12,9%.

Македонија зад Турција, но пред регионот

Во регионалната споредба разликите се значителни.

Македонија е на 23,4%, Босна и Херцеговина на 20%, Србија на 15,1%, Бугарија на 13,8%, Грција на 13,6%, Хрватска на 10,8%, а Словенија на 7,6%.

Показателот ги опфаќа младите од 15 до 29 години кои истовремено не се вработени и не учествуваат во формално образование или обука.

Податоците на Евростат покажуваат дека проблемот со млади без работа и образование во Македонија останува значително поизразен отколку во најголемиот дел од земјите опфатени со статистиката.

Share on Facebook

Tweet

Follow us

Save