Српската Полиција до недела ќе врши засилена сообраќајна контрола на камионите и на автобусите
09/02/2026 11:50
Од денеска до недела, Министерство за внатрешни работи на Србија (МВР) ќе спроведува зголемена сообраќајна контрола насочена кон возачите на камиони и автобуси, со цел зголемување на безбедноста во сообраќајот.
Како што е најавено, сообраќајната полиција ќе врши контроли на почитувањето на прописите за должина на возење и задолжителните паузи, техничката исправност на возилата, како и откривање на други прекршоци кои можат сериозно да ја загрозат безбедноста на патиштата.
Посебен фокус ќе биде ставен на патиштата со најинтензивен сообраќај на товарни и патнички возила, каде ризикот од сообраќајни незгоди е најголем.
Акцијата нема да се спроведува само во Србија. Контролите ќе се одвиваат истовремено во 34 европски земји, членки на ROADPOL, како дел од заедничка меѓународна кампања за подобрување на безбедноста во сообраќајот.
