Зеленски потврди тридневно примирје со Русија и размена на 1.000 заробеници
09/05/2026 6:44
Украинскиот претседател Володимир Зеленски потврди дека Украина и Русија постигнале договор за тридневно примирје и размена на воени заробеници во формат 1.000 за 1.000. Примирјето, според објавеното, треба да важи на 9, 10 и 11 мај.
Во објава на социјалните мрежи, Зеленски порача дека Украина постојано работи на враќање на своите луѓе од руско заробеништво. Тој му се заблагодари и на американскиот претседател Доналд Трамп, како и на неговиот тим, за дипломатскиот ангажман.
Претходно, Трамп на „Трут соушл“ објави дека на негово барање двете страни се согласиле на тридневен прекин на огнот и голема размена на заробеници. Тој оцени дека ова може да биде почеток на крајот на долгата и тешка војна.
И други медиуми јавија дека договорот е постигнат со посредство на САД. Според објавеното, руската страна исто така дала согласност за примирјето во истиот период.
Иако станува збор за значаен дипломатски чекор, останува неизвесно дали договореното примирје целосно ќе се почитува на терен. Во изминатиот период и Киев и Москва меѓусебно се обвинуваа за прекршување на претходни прекини на огнот.
Украинскиот претседател Володимир Зеленски потврди дека Украина и Русија постигнале договор за тридневно примирје и размена на воени заробеници во формат 1.000 за 1.000. Примирјето, според објавеното, треба да важи на 9, 10 и 11 мај.
