Започна заминувањето на американските воени авиони од Софија
27/06/2026 17:28
Американските воени авиони го напуштаат аеродромот „Васил Левски“ во Софија
Четири од американските воени авиони стационирани на аеродромот „Васил Левски“ во Софија веќе одлетаа, а останатите треба да го напуштат Бугарија во фази почнувајќи од понеделник, пренесуваат бугарските медиуми повикувајќи се на соопштението од Министерството за одбрана.
Продолжен престој до крајот на месецот
Со одлука на Советот на министри од минатиот месец, престојот на 15 американски воени авиони, заедно со персоналот и опремата, беше продолжен до 30 јуни 2026 година. Првичното барање на САД беше авионите да останат до 30 јули, но по анализа на ситуацијата, бугарската влада одобри само едномесечно продолжение.
Министерот за одбрана: Периодот е за организација
Министерот за одбрана Димитар Стојанов објасни дека продолжувањето од еден месец има за цел да им овозможи на американските сојузници да ги организираат следните чекори и евентуалното преместување на опремата.
Премиерот Радев: САД остануваат стратешки партнер
Премиерот Румен Радев потврди дека американските авиони ќе го напуштат аеродромот до крајот на месецот, истакнувајќи дека тоа не влијае на стратешкото партнерство меѓу двете земји.
“Тие ќе го напуштат аеродромот Васил Левски до крајот на месецот, но САД остануваат наш стратешки сојузник во безбедноста и клучен партнер во енергетиката, високите технологии, вештачката интелигенција и економијата. Владата ќе продолжи да работи на продлабочување на соработката меѓу двете земји”, изјави Радев.
