Извештај од ЦУК, поплавени подвозници и сообраќајници

ЦУК со извештај за последиците од невремето во Скопје: Поплавени населби, подвозници и сообраќајници

Најкритични подрачја, Кисела Вода, Гази Баба, Бутел, Чаир и Аеродром, екипите на терен интервенираат

Обемни поплави низ главниот град

Центарот за управување со кризи (ЦУК) објави детален извештај за последиците од невремето што го зафати Град Скопје и околината. Според информациите добиени преку Единствениот број за итни повици 112 и надлежните институции, регистрирани се повеќе пријави за поплави и нарушувања на инфраструктурата.

Статистички преглед на пријавените штети:

• Поплавени подвозници: 2

• Поплавени кружни текови: 3

• Поплавени улици: повеќе од 8

• Поплавени населби: 5 (Кисела Вода, Автокоманда, Чаир, Аеродром, Горно Лисиче)

• Поплавени станбени објекти (куќи): повеќе пријави

• Поплавени подрумски и гаражни простории: повеќе пријави

• Поплавени деловни објекти (магацини): 2

• Поплавени јавни институции: 1 (МАНУ)

• Критични водотеци/канали: 2

• Локации со отежнат сообраќај: повеќе од 10

Критични точки на инфраструктурата

Сообраќајна инфраструктура:

• Подвозник пред кружниот тек во Бутел

• Подвозник на бул. „Србија“ (Кисела Вода)

• Кружни текови кај Ист Гејт, Мото Центар, Цементара и Железара

• Улица „Јордан Мијалков“ (позади Дајмонд Мол)

• Поплавени паркинзи и внатрешни сообраќајници во Расадник и Аеродром

Станбени и деловни објекти:

• Поплавени куќи, подруми и гаражи во Кисела Вода, Автокоманда и Чаир

• Поплавени магацини во Чаир и Кисела Вода

• Поплавен објект на МАНУ (подрум, гаражи, хол и амфитеатар)

Водна инфраструктура:

• Усјански канал – зголемено ниво со ризик од прелевање

• Река Серава (Бутел) – покачено ниво со ризик од излевање

Најкритични подрачја и ангажирани институции

Како најкритични подрачја се издвојуваат: Кисела Вода, Гази Баба, Бутел, Чаир и Аеродром. Состојбата континуирано се следи, а екипите интервенираат на терен според степенот на приоритет и ризик.

На терен се ангажирани и координирано делуваат:

• Територијалните противпожарни единици (ТППЕ)

• Дирекцијата за заштита и спасување (ДЗС)

• Јавните комунални претпријатија на општините

• Општинските екипи

• „Македонија Пат“

• Други надлежни институции и служби

Сите служби работат координирано и интервенираат на терен со цел справување со последиците од невремето, расчистување на погодените подрачја и нормализирање на состојбата.

Како да пријавите штета?

Граѓаните кои претрпеле штети од невремето треба да поднесат барања до општинските комисии за процена на штети. Комисиите ќе извршат увид и проценка на настанатите оштетувања. Од ЦУК препорачуваат граѓаните да побараат информации од надлежните општински служби за постапката и потребната документација.