Над 8.300 повици на 112 за четири часа по невремето во Скопје
22/07/2026 7:05
Повеќе од 8.300 повици биле примени на Единствениот број за итни случаи 112 по силното невреме во Скопје.
Повиците биле регистрирани во периодот од 17 до 21 часот, информираше Центарот за управување со кризи.
Дополнителни смени на бројот 112
Поради огромниот број пријави, операторите на 112 работеле со полн капацитет.
Уште во првиот час биле ангажирани и дополнителни смени за да се одговори на зголемениот број повици.
Од ЦУК информираат дека интензитетот на повици и понатаму е зголемен.
Пријавите се проследуваат до надлежните служби
Сите примени пријави континуирано се обработуваат и се доставуваат до надлежните институции и служби.
Граѓаните пријавувале последици од невремето, материјални штети и други проблеми предизвикани од обилните врнежи и силниот ветер.
Апел до граѓаните за трпение
Од ЦУК ги повикаа граѓаните на трпение и разбирање поради исклучително големиот број повици.
Доколку не успеат веднаш да воспостават контакт со 112, материјалните штети можат да ги пријават и во текот на утрешниот ден.
Пријавите ќе бидат евидентирани и навремено проследени до надлежните служби.
ПОВРЗАНИ ВЕСТИ
