Сателити открија работи во нуклеарен објект на Иран
11/07/2026 12:29
Сателитски снимки: Иран го обновувал нуклеарниот објект додека важел договорот со САД
Анализа тврди дека продолжиле работите во комплексот Парчин
Иран започнал со реконструкција и дополнително зајакнување на подземен објект поврзан со неговата нуклеарна програма додека сè уште бил во сила меморандумот за разбирање со Соединетите Американски Држави за замрзнување на нуклеарните активности, покажува анализа на Институтот за наука и меѓународна безбедност, заснована на сателитски снимки објавени од CNN.
Според анализата, активностите биле регистрирани во објектот „Талеган 2“, кој се наоѓа во рамките на воениот комплекс Парчин.
Од расчистување до реконструкција
Сателитските снимки направени на 22 јуни и 7 јули покажуваат дека првично на локацијата се расчистувале последиците од претходните напади, но подоцна активностите прераснале во реконструкција на објектот.
Аналитичарите наведуваат дека биле забележани ископи околу три отвори на покривот, дополнително зајакнување на бетонската конструкција и поставување арматура, што, според нивните проценки, укажува на изградба на нов, траен бетонски покрив.
Објектот и претходно бил цел на напади
„Талеган 2“ претходно беше поврзуван со истражувања и тестирања поврзани со нуклеарната програма на Иран.
Објектот беше уништен во израелски напад во октомври 2024 година, потоа обновен, а подоцна повторно погоден во два напади во текот на март.
Работите наводно продолжиле и покрај договорот
Според анализата, реконструкцијата се одвивала додека сè уште бил во сила меморандумот за разбирање што Иран и САД го потпишаа на 17 јуни.
Со тој договор, Техеран се обврза да ги замрзне своите нуклеарни активности. Иранските власти засега не ги коментираа наводите од анализата, а независна потврда за активностите на локацијата нема.
Significant Activity at Taleghan 2 Identified in New Imagery
High resolution Airbus satellite imagery obtained by the Institute and @vantortech imagery provided to the Institute by @CNN from June and early July of the Taleghan 2 site, located within the Parchin Military Complex,… pic.twitter.com/YC1nVqPn7s
