Ненадејно откажан почетокот на клучните преговори меѓу САД и Иран

Преговорите меѓу САД и Иран, кои беа најавени како нов дипломатски исчекор, ненадејно се откажани.

Разговорите требаше да се одржат во Швајцарија.

Тие беа планирани за денеска, но почетокот е одложен без јасен нов термин.

Во фокусот бил меморандумот меѓу Вашингтон и Техеран

Според најавите, разговорите требаше да се фокусираат на меморандумот за разбирање меѓу двете страни.

Документот отвори рок од 60 дена за постигнување траен договор.

Во фокусот требало да бидат и иранската нуклеарна програма и отворањето на Ормутскиот теснец.

Американската делегација требало да ја предводи потпретседателот Џеј Ди Венс.

Тој порача дека очекува разговорите сепак да се одржат викендов.

Техеран чека исполнување на договорените услови

По потпишувањето на меморандумот се огласи и ајатолахот Моџтаба Хамнеи.

Во писмена изјава прочитана на иранската државна телевизија, тој порача дека Техеран чека исполнување на договорените услови.

Хамнеи предупреди дека Иран нема да биде обврзан со меморандумот доколку американската страна поставува претерани барања.

Тој додаде дека идните директни преговори не значат прифаќање на ставовите на Вашингтон.

Меморандумот предвидува прекин на непријателствата

Меморандумот предвидува сеопфатен прекин на непријателствата во регионот.

Во него е опфатен и Либан.

Сепак, документот не содржи експлицитна одредба за повлекување на израелската армија.

Израелскиот премиер Бенјамин Нетанјаху повтори дека целта е создавање безбедносна зона во јужен Либан.

Од Вашингтон, пак, беше испратен повик да се почитува мировниот процес.

Макрон: Конечен договор сè уште е неизвесен

Францускиот претседател Емануел Макрон оцени дека постигнувањето конечен договор сè уште е неизвесно.

Тој порача дека никој не сака Иран да се здобие со нуклеарна бомба.

Според него, војната не може да се прогласи за целосно завршена.

Документот предвидува и економски мерки

Документот кој го потпишаа Доналд Трамп и Масуд Пезешкијан предвидува итен прекин на непријателствата.

Исто така, се предвидува укинување на поморските блокади.

Со меморандумот се предвидува и пристап на Иран до светските пазари.

Дел од пакетот се и ослободување на замрзнатите средства и 300 милијарди долари за обнова на Иран. Иако поголемиот дел од светската јавност очекуваа денес преговорите меѓу САД и Иран да почнат, тоа не се случи.