Српската полиција уапси шест членови на организирана криминална група. Наводни водачи на оваа група, според полициата биле Вељко Беливук и Марко Миjковиќ.
Акцијата била реализирана во координирана акција на припадници на Министерството за внатрешни работи, Службата за борба против организиран криминал, Полициската управа за град Белград, Агенцијата за безбедносни информации и Обвинителството за организиран криминал.
Уапсени се С.М. (1981), А.Д. (1997), М.Л.С. (2000), М.С. (1999), В.Ѓ. (2002) и А.С. (1999). Тие се осомничени дека како членови на организирана криминална група сториле кривични дела здружување заради извршување кривични дела и киднапирања.
При претрес на становите на осомничените, запленети се два пиштола, воздушна пушка, околу 600 куршуми, мала количина наркотична дрога, како и неколку мобилни телефони, компјутери и пари.
Осомничените се притворени, а денеска ќе бидат изведени во Обвинителството за организиран криминал.
![velja-nevolja-bitkoin[1]](https://mkinformer.com/wp-content/uploads/2021/05/velja-nevolja-bitkoin1.png "Биткoини, илjaдници eвpa, cкaпa кoмпjyтepcкa oпpeмa: Oткриeн „мaфиjaшкиoт тpeзop“ нa кpиминaлнaтa гpyпa нa Beљa Heвoљa")