(Видео) Macoвнa пoлициcкa aкциja вo Австралија: Уaпceни пoвeќe oд 200 лицa aнгaжиpaни вo opaнизиpaнa кpиминaлнa гpyпa – ова се деталите
08/06/2021 10:16
Австралиската полиција уапси повеќе од 200 лица ангажирани во организирана криминална група откако провалиле во шифрирана компјутерска апликација.
Апликацијата содржеше скоро 25 милиони пораки за трговија со дрога, заговори и подготовки за убиства, соопштија денес австралиските власти.
Во официјалното соопштение се наведува дека станува збор за заедничка акција на австралиската полиција и американскиот ФБИ, која започнала во 2018 година и во која биле доведени криминалци од Австралија, Азија, Јужна Америка и Блискиот исток, сите вклучени во глобалната трговија со дрога, пренесува Ројтерс.
“Му зададовме тежок удар на организираниот криминал, што го почувствуваа криминалните организации ширум светот. Ова е пресвртна точка во историјата на спроведувањето на законот во Австралија”, рече австралискиот премиер Скот Морисон.
