(Видео) Одвај препознатлив: Ким Џонг-ун драстично ослабнат, се појавија шпekулации за неговото здравје

Севернокорејскиот лидер Ким Џонг-ун ги разгоре понатамошните шпекулации за неговото здравје, откако неодамна објавени фотографии покажуваат дека изгубил од својата тежина.

На фотографиите објавени од севернокорејските државни медиуми во саботата, Ким изгледа забележително послаб, според проценката на јужнокорејската новинска агенција Јонхап, пренесува „Гардијан“.

Порталот НК Њуз од Сеул, кој ги анализираше фотографиите на кои Ким се обраќаше на состанокот на Политбирото на владејачката Работничка партија на крајот од минатата недела, наведува дека претседателот на Северна Кореја се чини дека „значително изгубил тежина“.

Тоа беше првото јавно појавување на Ким во последниот месец.

Порталот вчера објави зголемени фотографии, кои сугерираат дека Ким, за кого се верува дека има 37 години, дополнително го затегнал ременот на својот омилен часовник, кој наводно вреди 12.000 долари.

Фотографиите покажуваат дека неговиот лев зглоб е значително потенок отколку на слични фотографии направени во ноември 2020 година и март годинава. Ким, кој е страствен пушач, имал здравствени проблеми, што му се припишуваат на неговата тежина и начин на живот.

Националната разузнавачка служба на Јужна Кореја минатата година објави дека се верува дека Ким тежи 140 килограми и дека годишно се здебелувал по 6-7 килограми од доаѓањето на власт на крајот на 2011 година, пренесува НК Њуз.

Сепак, од извештајот на порталот не е јасно дали променетиот изглед на Ким е резултат на болест или свесна одлука за слабеење.

Видеото можете да го погледнете ТУКА

Many people and NK experts commented it appeared Kim Jong Un lost weight during his absence, so I found supporting evidence using a constant ($12k Swiss watch) and asked experts @NarangVipin and @mjbrodka why watching Kim’s weight goes beyond the memes https://t.co/u6bE4NOvRJ https://t.co/IGcTsYzCeH

— Colin Zwirko (@ColinZwirko) June 8, 2021

Share on Facebook

Tweet

Follow us

Save