Нов брз и ефикасен тест за ковид: Изработена маска со сензори за дeтектирање на ковид-19
12/07/2021 17:59
Новата маска за лице може да ги дијагностицира оние што ја носат во рок од околу 90 минути, според студијата спроведена од инженери од Институтот за технологија во Масачусетс и Универзитетот Харвард.
Маската за лице има мали сензори кои, кога се активираат, ги анализираат насобраните капки здив и тестираат за COVID-19, пишува Jerusalem post
Маските имаат ситни сензори за еднократна употреба, наведени како Специфично отклучување на ензимски известувач за висока чувствителност (SHERLOCK). Студијата, објавена во Nature Biotechnology, покажува дека сензорите може да бидат вметнати и во облеката, обезбедувајќи нов начин за следење на изложеноста на вирусот.
Џејмс Колинс, професор по медицинско инженерство и наука во Институтот за медицински инженеринг и наука на МИТ (ИМЕС) и Одделот за биолошко инженерство и виш автор на студијата, првично започнал со развој на сензорите што може да се носат и на облека за да помогнат во дијагностицирање на вирусите ебола и зика.
Сензорите се во форма на сув мраз, опкружени со резервоар со вода што се ослободува кога носителот ќе притисне копче, сигнализирајќи дека се подготвени за тестирање. Кога сувите компоненти се хидрираат, тие ги анализираат насобраните капки здив и започнуваат тестирање за COVID-19.
Питер Нгујен, научен истражувач од Институтот Вис за биолошки инжињеринг во Универзитетот Харвард и еден од водечките автори на студијата, рече: „Овој тест е подеднакво чувствителен како и високо чувствителните PCR тестови, но тој е брз како и тестовите за антиген кои се користат за брза анализа на Covid-19. “
