Експериментален лек на компанијата АстраЗенека, коктел на антитела против коронавирус, успешно спречува тешки форми на инфекции и смртен исход кај хоспитализирани пациенти.
Ова го покажале резултатите од студијата во завршната фаза, соопшти компанијата.
Лекот наречен AZD7442, го намалува ризикот од развивање на тешки форми на инфекција и смртен исход кај 50 проценти од пациентите со симптоми на Ковид-19 на седум дена или помалку, пренесува Ројтерс.
-Рана интервенција на антитела може значајно да го намали прогресот на тешки форми со континуирана заштита подолга од шест месеци, потврди Мене Пандалос, извршен потпретседател на биофармацеутика, истражување и развој во компанијата АстраЗенека.
АстраЗенека развива и коктел лекови за терапија кај заболените кои немаат доволно силен имунолошки одговор, а се вакцинирани против коронавирус.
![AKeL8hDH7j-bomba-od-fajzer-veke-rabotime-na-nova-vakcinata-a-eve-po-sto-ke-se-razlikuva-od-aktuelnata[1]](https://mkinformer.com/wp-content/uploads/2021/05/AKeL8hDH7j-bomba-od-fajzer-veke-rabotime-na-nova-vakcinata-a-eve-po-sto-ke-se-razlikuva-od-aktuelnata1.jpeg "Oбjaвeнa нajгoлeмaтa cтyдиja зa eфикacнocтa нa „Фajзep“ - oвa ce peзyлтaтитe")
