Римски гробишта стари 2.000 години се откриени во Појасот Газа
18/02/2022 20:59
Римските гробишта стари 2.000 години, кои содржат најмалку 20 украсени гробови, се откриени во близина на брегот на северот на Појасот Газа, додека надлежното министерство го прогласи за најважното локално откритие во изминатата деценија.
Газа е богата со антиквитети, бидејќи била важна трговска точка во многу цивилизации, која датира од античките Египќани и Филистејци опишани во Библијата, преку Римската империја и Крстоносните војни.
Меѓу урнатините откриени на таа територија се и оние од времето на Александар Македонски и монголската инвазија.
Досега се откриени 20 римски гробници и се очекува екипи да лоцираат вкупно 80 гробови на гробишта од 50 квадратни метри. Беа отворени два гроба, едниот со скелетни остатоци, а другиот глинени садови.
„Поради обликот на гробниците и релативно орнаментираните украси, тие веројатно припаѓаат на високи луѓе во Римската империја од првиот век“, изјави Џамал Абу Рида, генерален директор на Министерството за туризам и антиквитети во Газа.
За разлика од муслиманските гробници од подоцнежните периоди свртени кон север или југ, римските гробници се свртени кон исток или запад, рече тој.
„Имали смо неколико откри дека во прошлости, али е ова најбитно археолошко открило во протеклих десет година“, истакао е Абу Рида.
Областа е затворена за новинари и јавноста, додека локацијата е организирана и обезбедена за посетителите.
Локацијата, под надзор на француски тим експерти, ја пронашол тим градежни работници кои работеле на проект за изградба на станбени згради со египетско финансирање. Кога наишле на големи антички тули од гробиштата, престанале да работат и повикале археолози, пренесува Ројтерс.
