ЕКС ГРАДНАЧАЛНИКОТ НА АЕРОДРОМ „ПРЕБЕГА“ ВО КАРПОШ
18/05/2025 11:28
Општина Карпош важи за една од најубавите и најпосакуваните општини за живеење во Скопје. Со својот модерен урбан развој, бројни зелени површини, квалитетна инфраструктура и богата понуда на образовни, културни и спортски содржини, Карпош е идеално место за семејства, млади и пензионери.
Близината до Водно и Лепенец нуди можности за рекреација и одмор, а истовремено инфраструктурата обезбедува брз и лесен пристап до центарот на градот. Жителите на Карпош уживаат во уредени паркови, безбедни улици и активно локално управување, што ја прави општината не само привлечна, туку и пример за урбана хуманост и живот со стил.
Последната анкета на социјалните мрежи го покажува токму тоа, па затоа граѓаните ја препознааваат Општина Карпош како место кое е идеално за живеење и реализирање на своите планови.
Не е случајно што во изминатите години токму Карпош е избор на многу значајни личности од јавниот живот – уметници, доктори, функционери, политичари, професори, спортисти и интелектуалци кои го препознаваат мирниот и достоинствен начин на живеење што го нуди ова урбано јадро.
Еден во низата на јавни личности кој од скоро стана жител на Општина Карпош е и поранешниот градоначалник на Општна Аеродром, Ивица Коневски. Тој од неодамна купил куќа во населбата Козле, во близина на Германската Амбасада.
Дали причината за неговата преселба во Карпош е токму оваа анкета или нешто друго не знаме, но како поранешен градоначалник на друга урбана општина во Скопје сигурно ги препознал квалитетите на условите за живеење во Карпош.
