ОБВИНИТЕЛСТВО ПОКРЕНА ПОСТАПКА ЗА НАПАДОТ ВРЗ НОВИНАРСКАТА ЕКИПА КАЈ ПОЖАРОТ ВО ВИЗБЕГОВО
10/07/2025 9:18
Основното јавно обвинителство Скопје, во координација со Министерството за внатрешни работи и Здружението на новинари на Македонија (ЗНМ), презема мерки за итно обезбедување на сите релевантни докази во врска со нападот врз новинарска екипа на телевизијата Алсат М, која известувала за пожарот во Визбегово.
Јавен обвинител ќе издаде соодветни наредби и упатства за целосно утврдување на причините за избувнување на пожарот и евентуалната закана што истиот можел да ја предизвика врз животот и здравјето на луѓето, имотот или животната средина.
Според податоците добиени од ЗНМ и сведоштва на очевидци, новинарот Авни Тахири и снимателот Шенол Хајредини биле физички нападнати од страна на сопственикот на отпадот за кој се претпоставува дека е извор на пожарот.
Напаѓачот насилно го одзел мобилниот телефон на новинарот Тахири и го фрлил во огнот, додека снимателот Хајредини бил нападнат и му била уништена камерата. Министерството за внатрешни работи го уапси осомничениот, а случајот е официјално пријавен и е предмет на натамошна истрага.
Основното јавно обвинителство Скопје, во координација со Министерството за внатрешни работи и Здружението на новинари на Македонија (ЗНМ), презема мерки за итно обезбедување на сите релевантни докази во врска со нападот врз новинарска екипа на телевизијата Алсат М, која известувала за пожарот во Визбегово.
