Регулаторна денес ќе ги каже новите цени на горивата, се очекува благо поевтинување

Регулаторна денес ќе ги каже новите цени на горивата, а според движењата на светските берзи се очекува благо поевтинување.

Најизразена корекција надолу се очекува кај дизелот.

Кај бензините, пак, намалувањето би требало да биде помало.

Пад на цената на нафтата

Суровата нафта ја заврши изминатата недела со пад.

Брент нафтата во петокот се движеше околу 89 долари за барел.

Во однос на претходната недела, цената била пониска за околу 5,3 отсто.

Американската WTI нафта во истиот период загубила околу 4,3 отсто.

И дизелот на европските берзи поевтин

Лондонските фјучерси за гасно масло, кои се важен показател за цената на дизелот, исто така бележат пад.

Цената се намалила од околу 1.125 на 1.066 долари за тон.

Во однос на просечните дневни цени што ги зема предвид РКЕ, падот е околу два отсто.

Можно е дизелот да поевтини до 2 денари

Според берзанските показатели, има простор за намалување на цената на Еуродизелот.

Проценките се за поевтинување од околу 1,5 до 2 денари за литар.

Со тоа, дизелот би можел да се спушти на околу 99,50 до 100 денари за литар.

Кај бензините се очекува помало намалување.

Проценката е од половина до еден денар за литар.

И доларот оди во прилог на пониски цени

Во прилог на поевтинувањето оди и движењето на доларот.

Оваа недела американската валута се движи меѓу 52,6 и 52,8 денари.

Тоа е пониско од претходниот просек од 52,9935 денари.

Послаб долар дополнително ја намалува набавната цена на дериватите.

Конечната одлука, сепак, ја носи Регулаторната комисија за енергетика.

Регулаторна денес ќе ги каже новите цени, а тие ќе стапат на сила од полноќ.