Од мопед во движење пукано кон „ауди“ во Куманово, а во инцидентот нема повредени лица, соопшти Министерството за внатрешни работи.
Случајот бил пријавен ноќеска околу 02:45 часот во СВР Куманово.
Според полицискиот билтен, околу 02:40 часот на локалниот пат од населбата Карпош, кумановско, кон селото Никуљане, општина Старо Нагоричане, од мопед во движење биле испукани неколку куршуми од огнено оружје.
На мопедот се превезувале две лица.
Куршумите биле испукани кон патничко возило „ауди“ со кумановски регистарски ознаки. Возилото го управувал 34-годишниот Д.Д. од Куманово.
Во пукањето нема повредени лица.
Екипа од СВР Куманово извршила увид на местото на настанот.
Полицијата презема мерки за пронаоѓање на сторителите и целосно расчистување на случајот во кој од мопед во движење пукано кон „ауди“ во Куманово.
Од мопед во движење пукано кон „ауди“ во Куманово, а во инцидентот нема повредени лица, соопшти Министерството за внатрешни работи.
![soobrakajka-motor[1]](https://mkinformer.com/wp-content/uploads/2021/05/soobrakajka-motor1.jpg "Повторно настрада мотоциклист на „Пластичарска“ во судир со „ауди“")
