САД нудат 50 милиони долари награда за информации за апсење на Николас Мадуро
08/08/2025 9:45
Соединетите Американски Држави ја зголемија наградата за информации што ќе доведат до апсење на венецуелскиот претседател Николас Мадуро на 50 милиони долари, објави државната обвинителка Пем Бонди.
Во видео-порака објавена на платформата „X“, Бонди го обвини Мадуро за соработка со криминални групи, меѓу кои венецуелската затворска банда Трен де Арагуа и мексиканскиот нарко-картел Синалоа.
Според податоците на американскиот Стејт департмент, оваа понуда претставува двојно зголемување на претходната награда од 25 милиони долари, која исто така беше поврзана со информации за Мадуро.
