Голема мисија: Србите лансираа ракета на иднината, ќе летa како белоглав Орел
31/08/2025 12:42
Тимот „Беоавиа“ од здружението на студенти за воздухопловство, при Универзитетот во Белград уште еднаш ја потврди својата водечка улога во студентската авијација. Младите инженери ја претставија својата најнова двостепена ракета „Аурора 6“, која работи на погон од вода и воздух, како и беспилотното летало „СУП“, инспирирано од Белоглавиот Суп, еден од највпечатливите птици на српското небо.
„Кога ќе полета нешто што сме го замислиле и изградиле со свои раце, чувството е незаменливо. ‘Аурора’ е ракета на иднината, токму поради својот уникатен погон и пристапот кон решавање на проблеми“, истакна Анастасија Мирчетиќ, една од конструкторките на проектот.
„Беоавиа“ е основана во 2017 година и денес е единствениот тим што го претставува Србија на меѓународни студентски натпревари од областа на авијацијата. Оваа година се вратија од престижниот „New Flying Competition“ во Хамбург, каде што нивниот проект „СУП“ мораше да изведе комплексни маневри, да лета со различни брзини и да носи значителен товар.
„Задачата беше да создадеме енергетски ефикасна летелица. Работевме со композитни материјали и карбонски влакна за да обезбедиме сила, леснотија и стабилност“, објасни Даниел Сојчиќ, водач на тимот и студент на Машинскиот факултет.
Проектите на „Беоавиа“ не заостануваат зад трендовите на големите светски компании. Поддржани се од бројни српски фирми и институции, а студентите имаат можност да се сретнат со инженери од водечки глобални корпорации.
Иднината на српското воздухопловство веќе се гради во студентските работилници. Младите ентузијасти како Анастасија и Даниел со своите идеи, упорност и знаење покажуваат дека Србија има генерација што може да создава иновации со светски квалитет.
