Слободата на медиумите во најголем пад за 50 години, демократијата назадува во 94 земји
15/09/2025 9:31
Слободата на медиумите во светот бележи најголем пад во последните пет децении, а демократијата назадува во 94 земји во изминатите пет години, покажува „Глобалниот извештај за состојбата на демократијата 2025“ на Меѓународниот институт за демократија и изборна помош (IDEA) од Стокхолм.
Генералниот секретар на IDEA, Кевин Касас-Замора, предупредува дека демократијата се наоѓа под „совршена бура“ од автократско зајакнување и глобални социјални и економски промени. За зачувување на демократските вредности, според него, потребни се длабоки реформи што ќе обезбедат фер пристап, инклузивност и заштита на изборниот процес и владеењето на правото.
Извештајот укажува дека слободата на медиумите се влошила во една четвртина од државите, со најголеми падови во Авганистан, Буркина Фасо, Мјанмар и Јужна Кореја. Во Палестина, речиси 200 новинари биле убиени од октомври 2023 година, а Израел им забранил на странски медиуми да влезат во Газа.
Како позитивни примери се наведени Чиле (со законски иницијативи за заштита на новинарите), како и напредок во Боцвана, Јужна Африка, Полска и Јордан.
Сепак, извештајот посочува дека САД го намалиле своето глобално учество во поддршката на демократијата, што дополнително ја ослабува меѓународната демократизација.
Слободата на медиумите во светот бележи најголем пад во последните пет децении, а демократијата назадува во 94 земји во изминатите пет години, покажува „Глобалниот извештај за состојбата на демократијата 2025“ на Меѓународниот институт за демократија и изборна помош (IDEA) од Стокхолм.
